अकोला : अकोला शहरातील खडकी परिसराच्या निसर्ग गार्डन जवळील नाल्यात आज पहाटेच्यावेळी एक नीलगाय पडल्याची घटना घडली. या निलगायला नाल्याबाहेर काढण्यासाठी स्थानिक तरुणांनी खूप प्रयत्न केले, मात्र बाहेर काढू शकले नाही,
नंतर वनविभागाच्या कर्मचाऱ्यांच्या साहाय्याने सुद्धा या निलगायला काढण्याचा प्रयत्न करण्यात आला. परंतु नाल्यामध्ये गाळ आणि चिखल असल्याने या ठिकाणाहून निलगायला बाहेर काढन शक्य नव्हतं, म्हणून वनविभाग आणि स्थानिक तरुणांनी ह्या निलगायला काठावरील कडक जागेत आणून ठेवले. जेणेकरून ही नीलगाय स्वतःहून बाहेर निघू शकेल.