जागेवरून दोन गटात जोरदार हाणामारी

खुल्या जागेवर अतिक्रमण करण्याचा प्रयत्न
कारंजा पोलिसात आठ जणांवर गुन्हा दाखल

वाशिम जिल्ह्यातील कारंजा शहरातील माळीपुरा परिसरामध्ये पालिकेच्या मोकळ्या जागेवर अतिक्रमण करण्याच्या वादातून दोन गटात हाणामारी झाली. याप्रकरणी कारंजा शहर पोलिसांनी दोन्ही गटातील 8 आरोपींविरुद्ध गुन्हा दाखल केला आहे.या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.

वाशिम जिल्ह्यातील कारंजा शहरात असलेल्या माळीपुरा परिसरातील पालिकेच्या मोकळ्या जागेवर काही लोकांनी अतिक्रमण केले होते. त्यानंतर या अतिक्रमणाचा निषेध करण्यासाठी दुसऱ्या गटातील काही लोक वाहनाने घटनास्थळी पोहोचले. येताच त्यांनी अतिक्रमणाला विरोध करत उपस्थित सर्वांना लाठ्या-काठ्या, पाईपने मारहाण करण्यास सुरुवात केली. त्यामुळे अतिक्रमण गटही आक्रमक झाला. दोन्ही गट एकमेकांसोबत भिडले होते. या मारामारीत दोन्ही गटांचे सदस्य जखमी झाले. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.दोन्ही गटांच्या तक्रारीवरून पोलिसांनी 8 आरोपींविरुद्ध गुन्हा दाखल केला आहे. कारंजा शहर पोलीस ठाण्याचे एसएचओ आधारसिंग सोनुने यांनी याबाबत आरआरसी न्यूजला माहिती दिली.