सोशल मीडियावर एखादी व्यक्ती लगेच प्रसिद्ध होऊ शकते. मात्र या प्रसिद्धीच्या हव्यासापोटी कधी कधी जीव धोक्यात सुद्धा येऊ शकतो. हल्ली प्रत्येक जण प्रसिद्ध होण्यासाठी काहीही करायला तयार होतो. काही तरुण प्रसिद्धीसाठी आपल्या जीवाची जराही पर्वा न करतात असे काही स्टंट करतात, ज्यामुळे त्यांना आयुष्यभराची शिक्षा भोगावी लागते. सध्या असंच काही प्रकरण एका तरुणासोबत घडलं आहे. चालत्या गाडीवर हा तरूण शक्तिमान बनून धोकादायक स्टंट करत होता, पण पुढच्या काही मिनिटात त्याला खाटेवर येऊन उपचार घ्यायची वेळ आली. या तरुणाचा बाईक स्टंट करतानाचा व्हिडीओ सोशल मीडियावर व्हायरल होऊ लागलाय.
ट्विटरवर व्हायरल होत असलेला हा व्हिडीओ उत्तर प्रदेशची राजधानी लखनऊमधला असल्याचा दावा केला जात आहे. रस्त्यावरून वेगाने धावणाऱ्या एका टॅंकरवर एक मुलगा बसलेला दिसून येतोय. या मुलाने अंगावर कपडे न घालताच रात्रीच्या अंधारात धावत्या टँकरवर पुश अप करायला सुरूवात केली. नंतर तो वेगवेगळे स्टंट करताना दिसतोय. शक्तीमान मालिकेचे टायटल सॉंग देखील बॅकग्राउंडमध्ये वाजताना ऐकू येतं. स्टंट करता करता तो धाडकन खाली कोसळतो. यात तो इतक्या गंभीररित्या जखमी झालाय की यापुढे तो काही दिवस उठू शकणार नाही, असंच दिसतंय.
या टॅंकरच्या मागून आलेल्या एका गाडीमधून हा घटनेचं दृश्य आपल्या मोबाईल कॅमेऱ्यात कैद केलंय. हा व्हिडीओ लखनऊ पोलीस अधिकारी श्वेता श्रीवास्तव यांनी त्यांच्या ट्विटर अकाऊंटवरून शेअर केला आहे. हा व्हिडीओ शेअर करताना एक कॅप्शनही देण्यात आली आहे ज्याद्वारे पोलिसांनी लोकांना असे स्टंट करू नये असे आवाहन केले आहे. कॅप्शनमध्ये लिहिले आहे की, “गोमतीनगर, लखनऊ येथील काल रात्रीची घटना – शक्तीमान बनायला जात होता, आता काही दिवस उठूही शकणार नाही! आवाहान: कृपया असे जीवघेणे स्टंट करू नका!” असं या कॅप्शनमध्ये लिहिण्यात आलंय.