ठाण्यात एकनाथ शिंदे आणि श्रद्धा कपूर एकाच मंचावर

Dahi Handi 2022 Celebration in Mumbai : दोन वर्षाच्या खंडानंतर राज्यभर दहीहंडी उत्सवाचे मोठ्या उत्साहात आयोजन करण्यात आले आहे. अनेक ठिकाणी लोकप्रतिनिधी आणि विविध संस्थांनी मेगा दहीहंडी कार्यक्रमांचं आयोजन केलं आहे. विशेषतः मुंबई आणि ठाण्यात लाखोंची बक्षिसे ही पुन्हा एकदा दहीहंडी उत्सवाचे आकर्षण ठरले आहेत. राजकीय पक्ष आणि त्यांचे नेते यांचा मोठा उत्साह या उत्सवाच्या आयोजनात दिसत आहे. तसेच दरवर्षीप्रमाणे सेलिब्रिटी मंडळींही दहीहंडी उत्सवामध्ये सहभागी झालेले दिसत आहेत.स्वर्गीय आनंद दिघे यांनी सुरु केलेली ठाणे टेंभीनाका येथील दहीहंडी सर्वाधिक चर्तेत असते. यावर्षी देखील या दहीहंडीचं उत्साहात आयोजन करण्यात आलं आहे. या दहीहंडीडा मुख्यमंत्री एकनाथ शिंदे यांनी हजेरी लावली. यावेळी अभिनेत्री श्रद्धा कपूरही तिथे उपस्थित होती. इतकंच नव्हे तर तिने मराठीमध्ये उपस्थितांशी संवाद साधत सगळ्यांना दहीहंडीच्या शुभेच्छा दिल्या.