![](https://rrcdigital.com/site/wp-content/uploads/2022/09/image-147.png)
मस्कतहून कोचीला येणाऱ्या एअर इंडियाच्या विमानाला आग लागल्याची धक्कादायक घटना घडली आहे. संबंधित विमान मस्कतहून कोचीला येण्यासाठी तयारी करत होतं. दरम्यान, विमानाच्या दुसऱ्या क्रमांकाच्या इंजिनमधून धूर निघत असल्याचं आढळून आलं. यानंतर तातडीने उड्डाण रद्द करण्यात आलं आहे. ही धक्कादायक घटना बुधवारी घडली आहे.
या विमानात १४१ प्रवाशांसह सहा क्रू मेंबर्स होते. खबरदारीचा उपाय म्हणून तातडीने सर्वांना विमानातून उतरवण्यात आलं आहे. सर्व प्रवाशी सुरक्षित आहेत. एअर इंडियाचं ‘फ्लाइट IX 442’ हे विमान मस्कत विमानतळावर धावपट्टीवर उभा होतं. यावेळी अचानक विमानाच्या इंजिनमधून धूर निघू लागला. यानंतर विमानाच्या इंजिनमध्ये आग लागल्याचीही माहिती मिळाली आहे. या धक्कादायक प्रकारानंतर विमान प्रशासनाने तातडीने उड्डाण रद्द केलं आहे.