सोशल मीडियावर सर्वाधिक चर्चेत असलेल्या ‘कॉफी विथ करण’ चॅट शोमध्ये नुकतीच सोनम कपूर आणि अर्जुन कपूर यांनी हजेरी लावली होती. बॉलिवूडच्या लोकप्रिय भावा बहिणीच्या जोडीने या एपिसोडमध्ये धम्माल केली आणि एकमेकांबद्दल तसेच स्वतःच्या खासगी आयुष्याबद्दल बरेच खुलासे केले. या एपिसोडमध्ये अर्जुन कपूर त्याची गर्लफ्रेंड मलायका अरोराबद्दलही बोलला. मलायकासोबतचं नातं सुरुवातीला सर्वांपासून लपवून ठेवण्याबाबत अर्जुनने मोठा खुलासा केला.
अर्जुन कपूर आणि मलायका अरोरा यांनी अनेक अफवांनंतर २०१९ मध्ये त्यांच्या नात्याची जाहीर कबुली दिली. करण जोहरच्या चॅट शोमध्ये अर्जुन कपूरने म्हणाला, “मलायकाचा मुलगा अहरान खान अवघ्या १९ वर्षांचा आहे, त्याचा विचार आम्ही आमच्या नात्याबद्दल कुटुंब आणि लोकांना सांगितलं. मला असं वाटतं की मी वेगळं आयुष्य जगलोय. मी अशा परिस्थितीत वाढलो जिथे मुलगा म्हणून जगणं सोपी गोष्ट नव्हती. आजूबाजूला काय चाललं होतं याची जाणीव होती पण तरीही त्याचा आदर करायचा होता आणि स्वीकारही करायचा होता. त्यामुळे माझ्या आजूबाजूच्या लोकांना विश्वासात घेऊन नंतर या नात्याबद्दल सांगावं ही गोष्ट माझ्या मनात कुठेतरी होती.